halli hallo !!

äs isch mittwuch, dä äääähm, was hämmer denn hüt für äs datum?? allora, so dä 13. glaub! 

also gad mal vornäwäg, äs gaht mer super guet, alles lauft super und wie am schnüerli, s einzige problem wo ich im moment echli han isch (näbed dem mitem datum) dases hüt namittag äs paar wulchä gha hät wo mir d sicht uf dä blaui himmel gno hät.... 

vabbe'.... ich bin also am samschtig guet aacho und nachdem ich d wahl vo minere residence als tiptop befundä han, ischs gad mal a mini lieblingsplatz am hafä gangä.... wo ich döt uf dä stei ghockt bin, dä sunnäuntergang und d riviera romagnola gseh han, han au ich denn emal endlich gschnallt das ich jetzt da bin und 6 wundervoll erholsami wuchä vor mir han!

nacheme bicicletta (i dä schwiiz au panache gnännt....) undeme spaziergang han ich mich denn i mis neuiä bettli verzogä!

am sunntigmorgä isch scho am 10i äs sms cho: "hey ich bin am strand, chunsch au?!" na bravo, hani tänkt, scho am erschtä tag en mega stress!  bin denn aber natürlich usem bett ghüpft, is bikini gschtiege und mitem velo an strand gradlet.... nach äs paar stündli sünnelä ischs denn wiiter id strandbar gange go dä match vo rimini luege... die händ also tatsächlich um dä iizug id playoffs für id serie a gschpillt... leider händs das aber (trotz das sie gunnä händ) nöd gschafft...   ich han natürlich no gross puupet das sie das ja sicher schaffet wo ich als maskottchen da bin.... (man erinnere sich an DAS ereignis voreme jahr!) ähm, für alli die wo's nümä wüssed: SIAMO I CAMPIONI DEL MOOOONDOOOO!! ja päsce, das hät jetzt müesä sii  

nachem match bin ich denn mal no is iichaufscenter, zum luegä das min chüehlschrank da nöd au so leer usgseht wie dihei...  äs hät jetzt da also au bier und joghurt dinä....  also doch wie dihei! 

am abig hät mi dä daniele ines superschöns restaurant chli idä campagna ussä bracht wo mer än mega blick über alli hügel bis zum meer hät... ja ja rimini beschtaht tatsächlich nöd nur us meer, liegestüehl, strandpromenade und discos... für die wo's immer nonig glaubet! döt händ mirs üs denn mit feinem (und ach so günschtigem wii....) und natürlich feinä antipasti, tagliatelle, caffé, grappa und weiss was ich no allem guet gah lah!

am mäntig morgä isch denn SCHULE ufem programm gschtandä! sie gseht immer no gliich us und d lüüt sind, bis uf ei lehrerin, au immer no di gliiche! isch mega herzig gsi wie sie mich empfange, umarmt und abknuutscht händ...   di anderä studente sind nöd so dä hammer... chli jung, chli öschterrichisch  und naja, aber egal... kännä ja gnueg anderi lüüt da  

nach dä schuel hani mal äs mittagsschlööfli bruucht und bi denn mit dä leiterin vo dä schuel und no äs paar studentä ufen stadtrundgang! hani letscht jahr scho gmacht, aber das jahr hani wesentlich meh verschtandä!

zischtig isch klar, wieder schuel....... aschlüüssend än feinä (vill!!) zmittag mit vill (feinem!!) wii imene altä bahnhof irgendwo usserhalb vo rimini! nach dem händ mir üs äs mittagsschlööfli am see gönnt! (für alli die wo d föteli vo letscht jahr gseh händ: de vo dä velotour.....). aschlüüssend en spaziergang dur d stadt und denn scho wieder ässä.... phuuuuu....   das mal pizza (vill) und .......... ja ebä!

hüt isch denn, zimlich langwiilig.... wieder schuel ufem programm gschtandä (döt hämmer, nach 2 stund grammatik büfflä, so äs spiil gmacht womer händ müesä d riminesi uf dä strass go usfröge... hämer letscht jahr scho gmacht und ich han d hälfti vo dä antwortä drum scho gwüsst... ) nach dem aschtrengende morgä han ich mir denn äs paar stündli ufem liegestuehl gönnt............

tja und jetzt sitzi da und................. meld mich bald wieder! 

feschti umarmig für eui alli!! vi penso!