18. Juni 2007

hahaha, de mit dä nonnä laht eui allnä kei ruäh, hä?!!? Ja ja, ich han ganz brav z'sii.... idä schuel! 
dä bescht a derä sach isch ja amigs de, wänn mir äs thema händ wie: il ragazzo ideale.... denn müend die nonnenä eifach s thema: di ideali klassä-kollegin bearbeitä hahahaha

da no di absoluti aktuellschti mäldig: ich gahn uf ROMA !!  yiippiiieeeeeee!! d melanie und ich händ beschlossä, s übernöchschti wucheend äs reisli zmachä! mitem zug isch mer i 4 1/2 stund ohni umschtige döt, so das sich das für äs weekend prima lohnt! mä hoffed jetzt eifach dases denn nöd gad 40 grad isch....  

17. Juni 2007

so, da mal nochli meh vo mim läbä da unä.... äs isch gad viertel vor 11i und ich liggä gad miteme mit piadina und dolce gfülltem buuch chli unbequem uf mim bett am pc....

ja dä dunschtig isch so en richtige rimini-tag gsi... schuel, strand, eis go ziä!   ich han mich mit dä riina idä stadt troffä und mir händ üs än richtige klatsch-tratsch-apero-gelati-abig gmacht! da mir üs sitem letschte auguscht nur no gschribe, gläsä oder ghört händ, häts natürlich einiges z blabberlä geh!

am fritig hämer mit dä schuel (am namittag, nach dä schuel!!) än usflug nach santarcangelo gmacht! das isch so äs chliises herzigs städtli idä nöchi vo rimini. döt händ mir d grottä besichtigt (läk bin ich mit minere platzangscht tapfer gsii  )! s bescht a derä sach isch gsi das üs irgendsonen ganz en komischä typ hinder her cho isch... nachdem ihm d füährerin nöd hät chönä klarmachä das er ohni guide nöd da inä dörf, händ mir ihn denn halt mit üsere gruppe mitgno... das hät sich schnell als fehler usägschtellt, de isch nämlich so schräg gsi, das üs schnell nümä wohl gsii isch! mir händ ächt angscht gha das er üs inen siitegang riisst und uuffrisst  ihr chönd ihn eui so vorschtellä: wiä dä shrek, eifach nöd grüen! hahahaha!   nachdem mir denn aber wieder heil us dä grottä usächo sind händ mir no en stadtrundgang inkl. enere wiidegustation gmacht! da isch er denn, entgägä dä lydia ihrere prophezeiig das de üs jetzt wahrschinlich wiiterhin verfolgt und am mäntig denn au id schuel chunnt , nümä hinänah gloffä!

am fritigabig bini denn mit dä lydia, dä melanie und dä rachel id stadt wo mir zum znacht äs glace gässä händ  tönt komisch, isch aber bi dä lydia und dä rachel normal, die ässäd minimum 3 glace am tag... und die dinger sind denn da unä nöd so mickrig wie die bi üs  nach dem feinä znacht simmer id pescheria und händ üs döt bimene (zwei, drü) gläser wii vo dä italianità umhüllä lah

am samschtig isch natürlich strand ufem programm gsi. das verbundä mitem super feinä zmittag mit dä riina und dä melanie.... feini pasta mit allem möglichä usem meer! (ja anja und jessy: au cozze, vongole e anche poverini, sogar än uuuh uuuh häts dinä gha!  ) am abig bini mit dä melanie as jazz-festival... da das aber nöd so dä hammer gsi isch, simmer ines gmüetlichs restaurant ghocket und händ öpis gässä und trunkä...... bitz spöter sind denn no 2 anderi vo dä schuel cho.... da s "am-strand-liggä" aber müed macht isches denn nöd sooo spaht worde!

au hüt natürlich.... super sunnäschii miteme guete chüählende wind und ab und zuä emenä chüählende wülchli, bini vom 11i bis am 4i am strand glägä. da nacher chli meh wulchä cho sind und min buuch rot agfangä hät schimmerä, hani mir denn no än gmüetlichä namittag dihei gmacht...........  

so und jetzt mueni also no mini ufzgi machä.............  a presto........... (und vergässeds gäschtebuech nöd!!   )