26. Juni 2007

so, da bin ich wieder emal.......

läk, scho wieder ä wuchä umä sitem letschte iitrag, jedefalls schriftlich, mit dä fotene bini chli fliissiger! tja, scho sind fascht 2 1/2 wuchä vo mim ufenthalt durä... äs gaht eifach viiiiiiill zschnell!! 

naja, aber ich dörf mich ja nöd beklage, oder??   

was isch i derä wuchä so passiert?!?

am zischtig bin ich mitem daniele go zmittag ässä....... mhmmmm än riiiiesä täller spaghetti allo scoglio....
und am abig häts gad nomal äs grossäs mahl geh, denn aber am strand und pizza.... d föteli sind ja scho länger zum aluege im fotialbum...

am mittwuch händ mir d wulchä mal wieder müesä mit gelati abtöte und am abig denn no miteme glas wii idä stadt... ok, dä himmel isch bis denn wieder blau gsi, aber so gnau chan mers ja nöd immer neh...

am dunschtig isch strand bis spaaaaht am abig agseit gsi, zwüsched 5 und 8 isches eifach am schönschte! und am abig händ mir denn mit bier und gelati (was suscht ) abschied vo dä irländerinnä gno! sie sind am fritig morgä heigflogä... bzw. händ müesä am halbi 7i uf dä zug will abem halbi 8i wägem streik kei züg meh gfahre sind... )

am fritig hät mich denn leider ä migräne plaget wo bis am samschtig duräghebet hät und so bin ich nöd so aktiv gsii... aber zum glück han ich ja au da unä liäbi lüüt wo mich mit coci (s getränk dänk!!) und chips versorget!

ich bin denn am samschtig gliich chli an strand, eifach immer schön mitem chopf im schattä!

am sunntig bini mit dä melanie go "zmorgä"ässä... naja, dem chan mer ja da unä nöd würklich so sägä, aber dä latte macchiato isch scho fascht so fein wie de vom elio! mir händ denn aber gad beschlossä, das mir, wänn mer wieder dihei sind, emal gross und dick gönd go brunchä zämä!  das isch scho das wo mir da unä (ussert eui natürlich) am meischtä fählt... so en richtig schönä grossä zmorgä... naja, aber ihr wüssed ja das das (am weekend) mini lieblingsmahlziit isch...
nach dem riesigä zmorgä also, bini denn chli an hafä go sünnelä und am abig mitem daniele go znachtässä... zum glück fahr ich jedä tag äs paar kilometer velo... suscht wäri glaub scho en rugel... 

tja, geschter isch denn scho wieder schuel und strand agseit gsii und hüt leider nur schuel, das am namittag mega wulchä gha hät... so händ mir üs denn halt zum zmittag öpis feins gönnt (us rücksicht uf d anja und d jessy säg ich jetzt nöd das das scho wieder so superfeini cozze und so gsii sind... )! jetzt isch dä himmel scho wieder blau und luut wätterbricht sötti das au die nögschte täg so bliibe!

mis weekend in rom rückt nöcher, d billet hämmer, s hotel au und s wätter sötti au nöd allzu heiss sii... yiippiiieeee!! 

idä schuel ischs zur ziit nöd so toll (amel di erschte zwei stund nöd....) mir händ so ä besch.... ushilfslehrerin (die eint isch wieder chrank und im spital ) die isch ächt ganz ganz doof! mir chönd sie üs nöd alosä! sie chan weder erchlärä no isch sie vorbereitet... hüt hät sie doch tatsächlich öpä 3x gfröget öb sie söll en neuie schriiber neh, will de ja jetzt nümä so tuet.... hallo?? mä hät ächt nüt meh gseh uf dä taflä... hmm, ihr chönd eui ja vorschtelle wie gern ich sie han...  und vilicht hät sies ja au gmerkt...  naja, d melanie und ich händ üs jetzt gseit mir nämeds mit humor und hät d ufzgi uf morn chli andersch glöst als sies wahrschinlich erwartet...

defür händ mir denn bi dä anderä lehrerin än mega film gluegt: io non ho paura! de isch dä absoluti hammer gsii!! muen mir gad d dvd go poschtä und s buech gad no däzue!

so, denn lahn ich eui jetzt mal wieder in rueh mit mim geblabber....
ich hoffe, ihr mich im gäschtebuech nöd!